ޝަމްހީދު: ތަރައްޤީގެ މަޝްރޫއުތައް ހުއްޓިފައިވާތީ ދޮގު އުއްމީދުތައް ދިނުން ހުއްޓާލަން

ހުޅުމާލޭ ދެކުނު ދާއިރާގެ މެމްބަރު ޑރ. އަހުމަދު ޝަމްހީދު ވިދާޅުވީ، ރާއްޖޭގެ އެކި ކަންކޮޅުތަކުގައި ކުރިއަށްދާން ހުރި ތަރައްޤީގެ މަޝްރޫއުތައް ހުއްޓިފައިވާތީ، ސަރުކާރުން ރައްޔިތުންނަށް މާނައެއް ނެތް އުއްމީދުތައް ދިނުން ހުއްޓާލަންޖެހޭ ކަމަށެވެ. ރަށްރަށުގެ ތަރައްޤީގެ މަޝްރޫއުތައް ހުއްޓިފައިވާކަން އެ ދާއިރާތަކަށް ނިސްބަތްވާ މެމްބަރުންނަށް ވެސް އެނގިލައްވާނެ ކަމަށާއި، ބޯހިޔާވަހިކަމުގެ މަޝްރޫއުތަކަށް ބަޖެޓުގައި ބޮޑެތި އަދަދުތައް ކަނޑައަޅާފައިވީ ނަމަވެސް އެއްވެސް މަސައްކަތެއް ކުރިއަށް ނުގޮސްފައިވާ ކަމަށް ޝަމްހީދު ފާހަގަކުރެއްވިއެވެ. ސަރުކާރުން އިސްކަންދޭންވީ ރައްޔިތުންނަށް ބޭނުންވާ އަސާސީ ޚިދުމަތްތަކާއި ތަރައްޤީގެ މަޝްރޫއުތައް ހަލުވިކަމާއެކު ކުރިއަށް ގެންދިއުމަށް ކަމަށް އޭނާ ވިދާޅުވިއެވެ.