ކޮންޓޭނަރުތައް ކަނޑަށް ވެއްޓި، ދަތުރުކުރާ ފަރާތްތަކަށް ސަމާލުވުމަށް އަންގައިފި

މޯލްޑިވްސް ޕޯޓްސް ލިމިޓެޑް (އެމްޕީއެލް) ގެ ބާޖަކުން ކޮންޓޭނަރުތަކެއް ކަނޑަށް ވެއްޓި އޮޔާދާތީ، މާލެ ސަރަހައްދުގައި ކަނޑުދަތުރުކުރާ ފަރާތްތަކުން ސަމާލުވުމަށް ފުލުހުން އިލްތިމާސް ކޮށްފި އެވެ. މި ހާދިސާ ހިނގާފައިވަނީ ހޮނިހިރު ދުވަހުގެ ރޭ އެވެ. ދޫނިދޫ އާއި ފޭދޫފިނޮޅާ ދެމެދު ކަނޑުގެ ސަރަހައްދުން ދަތުރުކުރާ އުޅަނދުފަހަރުގެ ކެޕްޓަނުންނާއި ދަތުރުވެރިން މިކަމަށް ސަމާލުވުމަށް ފުލުހުން ވަނީ އެދިފަ އެވެ. މި ކޮންޓޭނަރުތަކުގެ ސަބަބުން ކަނޑުދަތުރުފަތުރަށް ނުރައްކަލެއް ކުރިމަތިވެދާނެތީ ފަރުވާތެރިވުމަށް ފުލުހުން އިލްތިމާސް ކުރެ އެވެ.