އެމްޕީއެލްގެ ބާޖަކުން ކޮންޓޭނަރުތަކެއް ކަނޑަށް ވެއްޓި، ސަމާލުވާން އެދިއްޖެ

މާލޭގެ ވިޔަފާރި ބަނދަރުގެ ބޭރު ޖެޓީގައި އަޅާފައިވާ ބާޖަކުން ކޮންޓޭނަރުތަކެއް ރޭ ކަނޑަށް ވެއްޓި އޮޔާދާތީ ސަމާލުވާން ފުލުހުން އެދިއްޖެ އެވެ. މި ކޮންޓެއިނަރުތައް އޮޔާދާނެ ކަމަށް ލަފާކުރެވެނީ ދޫނިދު އާއި ފޭދޫފިނޮޅާ ދެމެދުން ކަމަށް ވާތީ އެ ސަރަހައްދުން ދަތުރުކުރާ އުޅަނދުތަކުން ހާއްސަ ސަމާލުކަމެއް ދިނުމަށާއި ފަރުވާތެރިކަމާ އެކު ދަތުރުކުރުމަށް ފުލުހުން އިލްތިމާސްކުރި އެވެ. މާލެ ސަރަހައްދަށް މިރޭ އިރާކޮޅުން ފެށިގެން ބޯކޮށް ވާރޭ ވެހެމުންދާއިރު، ކަނޑު ވެސް އާދަޔާ ހިލާފަށް ގަދަވެ، ވައި ބާރެވެ.