ހެޔޮކަންތަކަށް އަމުރުކޮށް ނުބައިކަން ނަހީކުރުމުގެ ޒިންމާ

މިއަދުގެ ހުކުރު ޚުތުބާގައި ބުނެފައިވަނީ ހެޔޮކަންތަކަށް އަމުރުކުރުމާއި ނުބައިކަންތައް ނަހީކުރުމަކީ މުޖުތަމަޢުގެ ކޮންމެ ފަރުދެއްގެ ޒިންމާއެއް ކަމަށެވެ. މާތްﷲ އަށް އީމާންވުމާއި، ހެޔޮކަންކަމުގައި އެހީތެރިވެ، ނުބައިކަންކަމުން މުޖުތަމަޢު ރައްކާތެރިކުރުމަކީ އިސްލާމްދީނުގެ މައިގަނޑު އަސާސްތަކުގެ ތެރޭގައި ހިމެނޭ ކަންކަން ކަމަށް ޚުތުބާގައި ބުނެފައިވެއެވެ. މުޖުތަމަޢުގައި ހިނގާ ނޭއްގާނީ ޢަމަލުތައް ހުއްޓުވުމުގެ މުހިންމުކަން ބަޔާންކޮށްދިނުމަށް ނަވެއްގައި ދަތުރުކުރި ބައެއްގެ މިސާލު ޚުތުބާގައި ދީފައިވެއެވެ. އަދި ހަރުދަނާ އަޚުލާޤީ ޖީލެއް ބިނާކުރުމަށް އެންމެންގެ ފަރުދީ ޒިންމާ ފުރިހަމައަށް އަދާކުރުމަށް ގޮވާލާފައިވެއެވެ.