ފިޔޯރީ ކައިރިން ފެނުނު ބޯޓުތަކުން ގާނޫނާ ހިލާފު އެއްޗެއް ނުފެންނަ ކަމަށް އެމްއެންޑީއެފުން ބުނެފި

ގދ. ފިޔޯރީ ކައިރިން ފެނުނު ބޭރުގެ ދެ މަސް ބޯޓަކުން ގާނޫނާއި ގަވާއިދާ ހިލާފު އެއްވެސް އެއްޗެއް ފެނިފައިނުވާ ކަމަށް އެމްއެންޑީއެފުން ބުނެފި އެވެ. ބުރާސްފަތި ދުވަހުގެ ހެނދުނު ގދ. އަތޮޅާއި ފުވައްމުލަކާ ދޭތެރޭ އޮންނަ އިކްއެޓޯރިއަލް ޗެނަލް ތެރެއިން މި ބޯޓުތައް ފެނުނު ކަމަށް އެމްއެންޑީއެފުން ބުނެ އެވެ. މި އޮޕަރޭޝަންއާ ގުޅޭގޮތުން އެމްއެންޑީއެފުން ބުނީ، ރާއްޖޭގެ ޚާއްސަ އިގުތިސާދީ ކަނޑުގެ ސަރަހައްދުން ދަތުރުކުރަމުން ދިޔަ ބޭރުގެ ދެ މަސްބޯޓެއް ހުއްޓުވައި ބަލައި ފާސްކޮށްފައިވާ ކަމަށެވެ. އެމްއެންޑީއެފުން ބުނީ، އެ ސަރަހައްދުގައި މަސްވެރިކަން ކުރަން އުޅުނު އުޅަނދަކުން ކުރި ރިޕޯޓާ ގުޅިގެން އެ ސަރަހައްދަށް ގޮސް، އެ އުޅަނދުތައް ހުއްޓުވައި ބަލައި ފާސްކުރިއިރު ގާނޫނާއި ގަވާއިދާ ޚިލާފު އެއްވެސް އެއްޗެއް އެ އުޅަނދުތަކުން ފެނިފައިނުވާ ކަމަށެވެ.