ސަރުކާރުން ދެ ރަށުގެ ރައްޔިތުން ނިކަމެތި ކުރަނީ: ކައުންސިލް

ހދ. ހަނިމާދޫ އަށް ހިރިމަރަދޫގެ ރައްޔިތުން ބަދަލުކުރުމުގެ މަސައްކަތުގައި ސަރުކާރުން އަމަލުކުރާ ގޮތުން ދެ ރަށުގެ ރައްޔިތުން ނިކަމެތިވަމުންދާ ކަމަށް އެރަށުގެ ކައުންސިލުން ބުނެފި އެވެ. ހިރިމަރަދޫ ރައްޔިތުން ހަނިމާދޫ އަށް ބަދަލުކުރުމުގެ މަސައްކަތުގައި މި ސަރުކާރުގެ އެއްވެސް އިހުލާސްތެރިކަމެއް ނެތް ކަމަށާއި، ރިސޯސްތައް ގާއިމްކުރުމަށް ބަޖެޓު ވެސް ނުދޭ ކަމަށް ކައުންސިލް ރައީސް އަލީ އިބްރާހިމް ވިދާޅުވި އެވެ. ކުރިން މި މަސައްކަތްތައް ޕްލޭނެއްގެ ދަށުން ކުރިއަށް ދިޔައިރު، މިހާރު އެއްވެސް މަސައްކަތެއް ނުކުރާ ކަމަށާއި، ކޮމެޓީއެއް ހެދުމަށް ވެސް އެއްބަސްވެފައިވާތާ މިހާތަނަށް އެއްވެސް މަސައްކަތެއް ނުކުރާ ކަމަށް އޭނާ ފާހަގަކުރެއްވި އެވެ. ހިރިމަރަދޫގެ ރައްޔިތުންނަކީ ހަނިމާދޫގެ ރައްޔިތުންގެ ގޮތުގައި ރައީސް މުއިއްޒު ހަމަޖެއްސެވީ 30 ޑިސެންބަރު 2025 ގަ އެވެ.