އެމެރިކާ ތިލަފުށީ ޕޯޓު މަޝްރޫއުގައި ބައިވެރިވާނެ

މާލޭގެ ވިޔަފާރި ބަނދަރު ތިލަފުއްޓަށް ބަދަލުކުރުމަށް ހިންގާ މަޝްރޫއުގައި އެމެރިކާ ސަރުކާރުން ބައިވެރިވާނެކަން އެ ގައުމުން ހާމަކޮށްފިއެވެ. އެމެރިކާއިން ރާއްޖެއަށް ކަނޑައަޅުއްވާފައި ހުންނަވާ މަންދޫބުގެ ނައިބު ޕޯލް ކަޕޫރު ވިދާޅުވީ، އެ ސަރަހައްދަކީ މަރުކަޒީ ލޮޖިސްޓިކް ހަބަކަށް ހެދުމުގެ ތަސައްވުރު ފުރިހަމަކުރުމަށް އެމެރިކާގެ އެހީތެރިކަން ލިބޭނެ ކަމަށެވެ. މި މަޝްރޫއުގައި ރާއްޖެއާއެކު މަސައްކަތް ކުރަން އެމެރިކާއިން އޮތީ ތައްޔާރަށް ކަމަށް އޭނާ ވިދާޅުވިއެވެ.