މިއަދު ފެންނަ ނަތީޖާ ލަދުވެރި، ސަރުކާރުން އުނބަށް ޖަހައިފި: މީކާއިލް

ރައްޔިތުންގެ މަޖިލީހުގެ މެންބަރު މީކާއިލް އަހްމަދު ނަސީމް ވިދާޅުވީ މިއަދު ގައުމުން ފެންނަމުންދާ މަންޒަރަކީ ކާމޭޒު ދޮށުގައި ތިބެ ނިންމާ ނިންމުންތަކުގެ ނަތީޖާ ކަމަށާއި އެއީ ލަދުވެތި ނަތީޖާއެއް ކަމަށެވެ. ސަރުކާރުން ކުއްލިއަކަށް ވިސްނުމަށް އަންނަ ޚިޔާލަކުން ސިޔާސަތު އެކުލަވާލުމުން މި ސަރުކާރު ވަނީ ލަދުވެރި ހާލަތެއްގައި ޖެހިފައި ކަމަށް އޭނާ ވިދާޅުވި އެވެ. ދުންފަތުން ނަގާ ޑިއުޓީ ކުޑަކުރުމަށް ސަރުކާރުން ހުށަހަޅާފައިވާ އިސްލާހުގެ ބަހުސްގައި މެންބަރު މިހެން ވިދާޅުވީ އެވެ.