ފިނޭންސް މިނިސްޓަރު ޒަރީރަށް ކޮމިޓީން ފާސްކޮށްފި

ފިނޭންސް މިނިސްޓަރުގެ މަގާމަށް އަލަށް އައްޔަނުކުރި ހަސަން ޒަރީރަށް ރުހުން ދޭން ފެންނަ ކަމަށް ސަރުކާރުގެ މަސްއޫލިއްޔަތު އަދާކުރާ މިންވަރު ބަލާ ކޮމިޓީން ފާސްކޮށްފި އެވެ. މިއަދު އޮތް އެ ކޮމިޓީގެ ބައްދަލުވުމުގައި ޒަރީރުއަށް ރުހުން އޮތް ކަމަށް ހުށަހެޅުއްވީ ފުވައްމުލަކު މެދު ދާއިރާގެ މެންބަރު، އަލީ ފަޒާދު އެވެ. ޒަރީރުއަށް ރުހުން ދޭން ފެންނަ ކަމަށް ފާސްކުރީ މިއަދުގެ ކޮމިޓީއަށް ހާޒިރުވެތިއްބެވި ހުރިހާ މެންބަރުންގެ އިއްތިފާގުންނެވެ. ފިނޭންސް މިނިސްޓަރުކަމާ ހަވާލުވެވަޑައިގަތުމުގެ ކުރިން ޒަރީރު ހުންނެވީ ޓެކްސް ކޮމިޝަނަރުގެ މަގާމުގަ އެވެ.