ޖަނާބު: ވޯޓު، ކެއުން، ބުއިމާއި އެހެން ކަންކަން ވެސް ޑިޖިޓަލް ވެއްޖެ

މައްޗަންގޮޅި އުތުރު ދާއިރާގެ މެންބަރު އިބްރާހިމް މުހައްމަދު (ޖަނާބު) ވިދާޅުވީ ރައްޔިތުންގެ މަޖިލީހުގައި މެންބަރުން ވޯޓު ލަނީ ވެސް، ރާއްޖޭގެ ރައްޔިތުން ކަނީ ވެސް އަދި ބޮނީ ވެސް ޑިޖިޓަލް ކޮށް ކަމަށެވެ. މޯލްޑިވްސް 2.0 ޑިޖިޓަލް ޓްރާންސްފޮމޭޝަންގެ ބިލަށް ބަހުސް ކުރައްވަމުން މެންބަރު ވިދާޅުވީ މިއަދު ރާއްޖޭގައި ގިނަ ކަންކަން ކުރަނީ ޑިޖިޓަލް އެކިއެކި ޕްލެޓްފޯމްތަކުގެ އެހީގައި ކަމަށެވެ. މި ބިލު ފާސްވެގެން ދިޔުމުން މަސައްކަތްތަކަށް ޚަރަދުވާ ވަގުތު ކުޑަވެ، ސިވިލް ސަރވިސް މުވައްޒަފުންނަށް ފަސޭހަތަކެއް ލިބިގެންދާނެ ކަމަށް ވެސް މެންބަރު ވިދާޅުވި އެވެ.