ސަރުކާރުން ލޯނު ދައްކަމުން ރައްޔިތުންނަށް ކަންކަން ކޮށްދީފައިވާ: ރިޔާޒް

ކުރީގެ އިކޮނޮމިކް މިނިސްޓްރީގެ ޑެޕިއުޓީ މިނިސްޓަރު ރިޔާޒު މަންސޫރު ވިދާޅުވީ ކޮންމެ ސަރުކާރަކުން ވެސް ދައުލަތުގެ ލޯނުތައް ދައްކަމުންދާނެ ކަމަށާއި، އެހެން ސަރުކާރުތަކުން ލޯނު ދައްކަމުންވެސް ރައްޔިތުންނަށް ކޮށްދޭންޖެހޭ ކަންކަން ކޮށްދީފައިވާ ކަމަށެވެ. ރާއްޖޭގެ އިޤްތިސާދު މިއަދު ހަލާކުވެފައިވާ ކަމަށާއި، ރައްޔިތުން ނިކަމެތިކަމެއްގެ ތެރޭގައި ތިބި ކަމަށް އޭނާ ފާހަގަކުރެއްވިއެވެ. ބޭސްފަރުވާ އާއި އެހެން ބޭނުންތަކަށް ރާއްޖެއިން ބޭރަށް ފައިސާ ނުފޮނުވޭ ކަމަށާއި، ބާޒާރުގައި ޑޮލަރުގެ އަގު ރެކޯޑު މިންވަރަކަށް އުފުލިފައިވާ ކަމަށްވެސް ރިޔާޒު ވިދާޅުވިއެވެ. ސަރުކާރަށް އޮތް އިތުބާރު ގެއްލިފައިވާތީ ބޭރުގެ ފަރާތްތަކުން ލޯނު ނުދޭ ކަމަށް އޭނާ ބުންޏެވެ.