އެމްޑީޕީން "ބޮޑު ބަދަލު" އޮފީސް ޤާއިމުކޮށްފި

ދިވެހި ރައްޔިތުންގެ ޑިމޮކްރެޓިކް ޕާޓީ (އެމްޑީޕީ) ގެ ޤައުމީ ސެކްރެޓޭރިއަޓުގައި "ބޮޑު ބަދަލު" އޮފީސް ޤާއިމުކޮށްފިއެވެ. މި އޮފީސް ޤާއިމުކުރުމަށް ނިންމީ ޤައުމީ މަޖިލީހުގެ ޖަލްސާގައި މެންބަރުން ފާސްކުރައްވައިގެންނެވެ. މި ނިންމުން ފާސްކުރުމަށްފަހު، އެމްޑީޕީން މިކަން ޢާންމުކޮށް އަންގައި އިޢުލާން ކުރުމުގެ ގޮތުން އާދިއްތަ ދުވަހު ބަޔާނެއް ނެރެފައިވެއެވެ. މި އޮފީހުގެ ޑައިރެކްޓަރ ޖެނެރަލްގެ ގޮތުގައި ހަމަޖައްސާފައިވަނީ އަލްއުސްތާޛު ޙަސަން ލަޠީފުއެވެ.