ބޮޑުވަޒީރުގެ އަނބިކަނބަލުންގެ ޕާސްޕޯޓް ހިފަހައްޓައިފި

ސްޕެއިންގެ ބޮޑުވަޒީރު ޕެޑްރޯ ސަންޗޭޒްގެ އަނބިކަނބަލުން ބެގޯނިއާ ގޯމޭޒްގެ މައްޗަށް ކުރެވޭ ކޮރަޕްޝަންގެ ތުހުމަތުތަކާ ގުޅިގެން ޝަރީއަތް ކުރިއަށް ގެންދިއުމަށާއި، އޭނާ ގައުމުން ބޭރަށް ފުރުން މަނާކުރުމަށް އެ ގައުމުގެ ފަނޑިޔާރަކު އަމުރުކުރައްވައިފި އެވެ. ގޯމޭޒްގެ މައްޗަށް ތަހުގީގު ހިންގަމުންދަނީ ބޮޑުވަޒީރުގެ އަނބިކަނބަލުންގެ ހައިސިއްޔަތާއި ނުފޫޒު ބޭނުންކުރައްވައިގެން މަސައްކަތުގެ ކޮންޓްރެކްޓްތައް ހޯއްދެވި ކަމަށް ބުނާ މައްސަލަތަކެއްގަ އެވެ. ނަމަވެސް، ގޯމޭޒް ވަނީ އެއްވެސް ގޯސް ކަމެއް ކުރައްވާފައި ނުވާނެ ކަމަށް ވިދާޅުވެ އެ ތުހުމަތުތަކަށް އިންކާރު ކުރައްވާފަ އެވެ.