ޝައިހު އިސްމާއިލް މުހައްމަދު (ތޮއިބާ ޝައިހު) އަވަހާރަވެއްޖެ

އިސްލާމްދީން ކުރިއެރުވުމުގައި ގިނަ މަސައްކަތްތަކެއް ކުރައްވާފައިވާ ޝައިހު އިސްމާއިލް މުހައްމަދު (ތޮއިބާ ޝައިހު) އުމުރުން 91 އަހަރުގައި ރޭ އަވަހާރަވެއްޖެ އެވެ. އިސްލާމްދީނަށް މީހުން ހޭލުންތެރިކަން އިތުރުކުރުމާއި ދީނީ އިލްމު އުގަންނައި ދެއްވުމަށް ބޮޑެތި މަސައްކަތްތަކެއް ކުރެއްވި ޝައިހު އަވަހާރަވީ އާލާސްކަންފުޅާ އުޅުއްވާތާ ގިނަ ދުވަސްތަކެއް ފަހުންނެވެ. އަދި ރާއްޖޭގެ އިސްލާމިކް ޔުނިވާސިޓީ (އައިޔޫއެމް) ގެ ފުރަތަމަ އޮނަރަރީ ޑޮކްޓަރޭޓް ކަމުގެ ޝަރަފު ވެސް ޝައިހު އިސްމާއިލަށް މިދިޔަ އަހަރުގެ އޭޕްރީލް 19 ވަނަ ދުވަހުގެ ރޭ އެރުވި އެވެ. އިސްލާމީ ތައުލީމު އުގަންނައި ދިނުމުގައި ބައި ގަރުނަށް ވުރެ ގިނަ ދުވަސް ހޭދަކުރެއްވި ޝައިހު އިސްމާއިލް އަވަހާރަވިއިރު އޭނާގެ އަމިއްލަ ހަރަދުގައި ހުޅުމާލެ 1 ގައި އަންނަނީ މިސްކިތެއް އިމާރާތް ކުރަމުންނެވެ.