ނަޝީދު: ރައީސް މުޢިއްޒު އުފައްދަވަނީ އިންޤިލާބެއް

ކުރީގެ ރައީސް މުހައްމަދު ނަޝީދު ވިދާޅުވީ ރައީސް މުއިއްޒު އުފައްދަވަމުން ގެންދަވަނީ އިންގިލާބެއްގެ ފެށުން ކަމަށާއި، ރައްޔިތުން އިންގިލާބަށް ނުކުންނާނެ ކަމަށެވެ. އެމްޑީޕީއިން ބުރާސްފަތި ދުވަހުގެ ރޭ ބޭއްވި "ވަޒީފާ ބުރާސްފަތި" އިހުތިޖާޖުގައި ވާހަކަ ދައްކަވަމުން ނަޝީދު ވިދާޅުވީ އެ ޕާޓީން މި ވެރިކަން ބަދަލުކުރާނެ ކަމަށެވެ. ސަރުކާރުން މުވައްޒަފުން ވަޒީފާއިން ވަކިކުރުމާ ދެކޮޅަށް އެމްޑީޕީން އިސްނަގައިގެން ބޭއްވި މި އިހުތިޖާޖުގައި އެތައް ހާސް ބަޔަކު ބައިވެރިވި އެވެ.