ޒިކުރުކުރުން މަތީ ދެމިތިބޭނަމަ ކެތްތެރި ބައެއްގެ ގޮތުގައި ލައްވާނެ: ޙައްޖު ޚުތުބާ

މިއަހަރުގެ ޙައްޖު ޚުޠުބާގައި ބަޔާންކުރައްވާފައިވަނީ ﷲ އަށް ޒިކުރުކުރުން މަތީ ދެމިތިބޭ މުއުމިނުންގެ ހިތްތަކަށް މަޑުމޮޅިކަން ދެއްވައި، އެއީ ކެތްތެރި ބައެއްގެ ގޮތުގައި ލައްވާނެ ކަމަށެވެ. ޝިރުކުގެ އެންމެހާ ކަންކަމުން ދުރުހެލިވެ، މާތްﷲ ޒިކުރުކުރުން މަތީ ދެމިތިބޭ މީހުންނަށް ދުނިޔެއާއި އާޚިރަތުގެ ކާމިޔާބީ ލިބޭނެއެވެ. ޤިޔާމަތް ދުވަހަށް ތައްޔާރުވުމަކީ ތަޤުވާވެރިކަމުގެ ތެރެއިންވާ ކަމެއްކަން ހަނދާންކޮށްދެއްވައި، ދުނިޔޭގައި އުޅޭއިރު މާތްﷲ އަށް ބިރުވެތިވެ، އެކަލާނގެ އަމުރުފުޅުތަކަށް ކިޔަމަންތެރިވެގެން ކަމަށް ވިދާޅުވިއެވެ. މި ޚުޠުބާ ވަނީ ޑިޖިޓަލް ވަސީލަތްތައް މެދުވެރިކޮށް ދުނިޔޭގެ އެކި ބަސްބަހުން ތަރުޖަމާކޮށްފައެވެ.