ޔައުގޫބް: ރައީސް މުއިއްޒު ޑެސްޕަރޭޓްވެ ރައްޔިތުންނަށް އަނިޔާކުރަނީ

ކުރީގެ މެންބަރު ޔައުގޫބް އަބްދުﷲ ވިދާޅުވީ ރައީސް މުއިއްޒު ދެވަނަ ފަހަރަށް އިންތިޚާބު ނުވާނެކަން އެނގިވަޑައިގަންނަވާތީ ޑެސްޕަރޭޓްވެ ރައްޔިތުންނަށް އަނިޔާކުރަމުންދާ ކަމަށެވެ. މި ސަރުކާރަކީ އެންމެ އަވަހަށް މަގުބޫލުކަން ވެއްޓުނު ސަރުކާރު ކަމަށާއި ކުރިއަށް އޮތްތަނުގައި އެއްވެސް އިންތިޚާބެއް ކާމިޔާބު ނުކުރެވޭނެ ކަމަށް ވެސް ވިދާޅުވި އެވެ. މުވައްޒަފުންނާއި ސިވިލް ސަރވިސް މުވައްޒަފުންނަށް ބިރުދެއްކުމުގެ މަސައްކަތް ކުރާ ކަމަށް ވެސް ޔައުގޫބް ވިދާޅުވި އެވެ.