ކައުންސިލްތަކަށް ދޭ ގްރާންޓުން ނުފުދޭ: ޣަފޫރު

ހަނިމާދޫ ދާއިރާގެ މެންބަރު އަބްދުލް ޣަފޫރު މޫސާ ވިދާޅުވީ ކައުންސިލްތަކަށް ހަވާލުކުރެވުނު މަސައްކަތްތައް ގިނަވުމުގެ ސަބަބުން މިހާރު ދޭ ބްލޮކް ގްރާންޓުން ނުފުދޭ ކަމަށެވެ. މިސްކިތްތައް ބެލެހެއްޓުމާއި ކައުންސިލްތަކުގެ މުސާރަ ބޮޑުކުރުމާއި ކުނި މެނޭޖްކުރުން ފަދަ ކަންކަން ކުރަންޖެހުމުން މިހާރުގެ ގްރާންޓުން ކައުންސިލްތަކެއް މެނޭޖްކޮށް ނުކުރެވޭ ކަމަށް އޭނާ ވިދާޅުވި އެވެ. މީގެ އިތުރުން ކައުންސިލަރުންނަށް ވުރެ ބޮޑު މުސާރަ ލިބޭ އިދާރީ މުވައްޒަފުން ތިބުން ވެސް މައްސަލައެއް ކަމަށް އޭނާ ފާހަގަކުރެއްވި އެވެ.