މާލޭ ސިޓީ ކައުންސިލާ ބައްދަލުކުރަން މިނިސްޓަރު ދެކޮޅު

ހައުސިން މިނިސްޓަރު ޑރ. އަބްދުﷲ މުއްތަލިބު މާލެ ސިޓީ ކައުންސިލަރުންނާ ބައްދަލުކުރައްވަން ދެކޮޅު ހައްދަވައިފި އެވެ. މިނިސްޓަރު ވިދާޅުވީ މޭޔަރާއެކު މުއާމަލާތްތަކާ ގުޅޭގޮތުން ހަގީގަތާ ހިލާފު ވާހަކަތައް ދައްކަވާތީ ކައުންސިލާ ބައްދަލުކުރެއްވުމުގެ ބަދަލުގައި ލިޔެކިޔުމުން މުއާމަލާތްކުރަން ބޭނުންވާ ކަމަށެވެ. މާލެ ސިޓީ ކައުންސިލުން ފޮނުވާ ސިޓީތަކަށް ހައުސިން މިނިސްޓްރީން ޖަވާބު ނުދޭތީ މޭޔަރާއި ކައުންސިލް މެންބަރުން މިނިސްޓްރީއަށް ވަޑައިގެންފިއެވެ.