ގުނަވަން ޓްރާންސްޕްލާންޓް ބިލު ރައީސް ތަސްދީގު ނުކުރެއްވީ ކީއްވެ؟

ގުނަވަން ޓްރާންސްޕްލާންޓް ކުރުމާ ބެހޭ ބިލު ރައީސް މުހައްމަދު މުއިއްޒު ތަސްދީގު ނުކުރެއްވީ، ގުނަވަން ހަދިޔާ ކުރުމުގެ ފުރުސަތު ގައިދީންނަށް ވެސް އޮތުމުން ކަމަށް ރައީސް އޮފީހުން ބުނެފި އެވެ. މަޖިލީހުން ބިލަށް ގެނައި އިސްލާހުތަކާމެދު ރައީސް ކަންބޮޑުވެވަޑައިގަންނަވާ ކަމަށް ސިޓީއެއްގައި ބަޔާންކޮށްފައިވެ އެވެ. ބަންދުގައި ތިބޭ މީހުންގެ ފުރިހަމަ ރުހުމަކާ ނުލައި ގުނަވަން ހަދިޔާ ކުރުމަށް ރުހުން ދެވިދާނެ ކަމަކަށް ނުފެންނަ ކަމަށް ރައީސް ވިދާޅުވި އެވެ. މި ބިލު އަލުން ކޮމިޓީއަށް ފޮނުވަން ނިންމާފައިވެ އެވެ.