ޤާލިބް: ރައްޔިތުންގެ ލޯތްބާއި ވޯޓު ހޯދާނީ މަސައްކަތުން

މާލެ ސިޓީ ކައުންސިލްގެ މެމްބަރު އަޙްމަދު ޤާލިބް ވިދާޅުވީ ރައްޔިތުންގެ ލޯތްބާއި ވޯޓު ހޯދާނީ ބިން ހިއްކާ ސާމާނު ރަށަށް އަރުވައިގެން ދަޅަ ދައްކައިގެންނެއް ނޫން ކަމަށެވެ. ފާއިތުވި އިންތިޚާބުތަކާ ދިމާކޮށް ރަށްރަށުގައި މަޝްރޫއުތައް ހަވާލުކޮށްފައިވާ ކަމަށާއި، ނަމަވެސް ސަރުކާރުން ފައިސާ ނުދިނުމުގެ ސަބަބުން ގިނަ މަޝްރޫއުތައް ހުއްޓިފައިވާ ކަމަށް އޭނާ ފާހަގަކުރެއްވިއެވެ. ސަރުކާރުން ކަންކަން ކުރަނީ ފަރުވާކުޑަކޮށް ކަމަށާއި، އިންތިޚާބު ކާމިޔާބު ކުރުމަށް ރައްޔިތުންގެ ލޮލުގައި އަނދުން އަޅުވަން މަސައްކަތް ކުރާ ކަމަށް އޭނާ ތުހުމަތުކުރެއްވިއެވެ.