ޕޭޕަލް ތައާރަފުކުރުމާ އެކު، ރާއްޖޭގެ އެކަހެރި ކަމަކީ އިގުތިސާދަށް ހުރަހެއް ނޫން: ރައީސް

ޕޭޕަލް ރާއްޖެއަށް ތައާރަފުކުރުމާ އެކު، ރާއްޖޭގެ އެކަހެރި ކަމަކީ އިގުތިސާދަށް އޮތް ހުރަހަކަށް ނުވާނެ ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެ އެވެ. ޕޭޕަލްގެ ހިދުމަތް އުރީދޫން ރަސްމީކޮށް ރާއްޖެއަށް ތައާރަފުކުރީ މިއަދު ހެނދުނު ބާސެލޯ ނަސަންދުރާގައި ބޭއްވި ހާއްސަ ރަސްމިއްޔާތެއްގަ އެވެ. ރައީސް ވިދާޅުވީ ޕޭޕަލްގެ ހިދުމަތް ތައާރަފުކުރުމާ އެކު، މިއަދުން ފެށިގެން އެ ހިދުމަތުގެ ބޭނުން ހިފޭނީ ކިހިނެއްތޯ އާންމުންގެ ހިތުގައި ސުވާލު އުފެދިދާނެ ކަމަށެވެ. ޖިއޮގްރަފީގެ ސަބަބުން ތިޔަބޭފުޅުންގެ އިގުތިސާދީ މުސްތަގުބަލު ދެން ދުވަހަކު ވެސް ހަނިވެގެން ނުދާނެ ކަމަށް ރައީސް ވިދާޅުވި އެވެ.