މާފަރު އެއާޕޯޓުގައި މެޓް އޮފީހުގެ ހިދުމަތް ފަށައިފި

މޯލްޑިވްސް މީޓިއޮރޮލޮޖިކަލް ސަރވިސް (އެމްއެމްއެސް) މެޓް އޮފީހުގެ ހިދުމަތް ނ. މާފަރު އިންޓަނޭޝަނަލް އެއާޕޯޓުގައި އިއްޔެ ފަށައިފި އެވެ. މާފަރު މީޓިއޮރޮލޮޖިކަލް އޮފީހުގައި އެވިއޭޝަން މީޓިއޮރޮލޮޖިކަލް ހިދުމަތްތައް ފެށުމަކީ އެއާޕޯޓަށް ބޭނުންވާ "ވެދާ ސަޕޯޓް" އިތުރަށް ހަރުދަނާކުރުމަށް އެޅި މުހިންމު ފިޔަވަޅެކެވެ. ރާއްޖޭގެ ވައިގެ ދަތުރުފަތުރުގެ ސަލާމަތާއި ރައްކާތެރިކަމަށްޓަކައި ކަށަވަރު އަދި ވަގުތުން ވަގުތަށް ބޭނުންވާ މޫސުމީ ހިދުމަތްތައް ފޯރުކޮށްދިނުމުގައި ދެމިތިބޭނެކަމުގެ ޔަގީންކަން މެޓް އޮފީހުން ދެއެވެ.