ވޯލްޑް ކަޕާއި ދިމާކޮށް ސްކޭމްތައް އިތުރުވުން

ފުލުހުން ވަނީ ވޯލްޑް ކަޕާއި ދިމާކޮށް ސޯޝަލް މީޑިއާ މެދުވެރިކޮށް ހިންގާ ސްކޭމްތަކާއި މެދު ސަމާލުވުމަށް އިލްތިމާސްކޮށްފައެވެ. ފާއިތުވެދިޔަ ފަސް އަހަރުގެ ތަފާސްހިސާބުތަކަށް ބަލާއިރު ރާއްޖޭގައި ސްކޭމްގެ ކުށްތައް ވަރަށް ބޮޑަށް އިތުރުވަމުންދާ ކަމަށް ފުލުހުން ބުނެއެވެ. ވޯލްޑް ކަޕް މެޗުތައް ބަލާ ގަޑިތަކުގައި ކެވޭނެ ލުއި ކާނާއާއި ޓީމުތަކުގެ ޖޯޒީތައް އަގުހެޔޮކޮށް ވިއްކާ ކަމަށް ބުނެ ސޯޝަލް މީޑިއާގައި އިޝްތިހާރުކޮށްގެން މީހުން ހެއްލުމަށް މަސައްކަތް ކުރެއެވެ. އެއްވެސް ޚިދުމަތެއް ނުވަތަ މުދަލެއް އަތަށް ނުލިބެނީސް ފައިސާ ނުދެއްކުމަށް ފުލުހުން އިލްތިމާސްކުރެއެވެ.