ސައުތު އަރި މެރިން ޕްރޮޓެކްޓެޑް އޭރިއާ ފުލުހުން ބަލަހައްޓަނީ

ސައުތު އަރި މެރިން ޕްރޮޓެކްޓެޑް އޭރިއާ (ސަމްޕާ) ފުލުހުން މެދުވެރިކޮށް ބަލަހައްޓަން ފަށާފައިވާ ކަމަށް އެންވައިރަންމަންޓް މިނިސްޓްރީން ބުނެފިއެވެ. މި ސަރަޙައްދު ބެލެހެއްޓުމުގައި ފުލުހުންގެ އެހީތެރިކަން ހޯދާ ފުރަތަމަ ފަހަރެވެ. މި ސަރަޙައްދު ބޭނުންކުރާ ފަރާތްތަކުން ކަނޑައެޅިފައިވާ މެނޭޖްމަންޓް ޕްލޭނަށް ބޯލެނބުމަށް މިނިސްޓްރީން ވަނީ އިލްތިމާސްކޮށްފައެވެ. މި ސަރަޙައްދު ބެލެހެއްޓުމަށް "ޓެކް-ފޯ-ނޭޗަރ"ގެ ނަމުގައި ޚާއްސަ މަޝްރޫޢެއް ވެސް ވަނީ އިފްތިތާޙުކޮށްފައެވެ.