މުވައްޒަފުންގެ މަސައްކަތުގެ ފެންވަރު މަތިކުރަން ދިރާސާކުރަން ޖެހޭ: ސީއެސްސީ ރައީސް

ސިވިލް ސާވިސް ކޮމިޝަން (ސީއެސްސީ)ގެ ރައީސް މުހައްމަދު މުޖުތާޒު ވިދާޅުވީ، ސިވިލް ސާވިސްގެ މުވައްޒަފުންގެ މަސައްކަތުގެ ފެންވަރު މަތިކުރުމުގެ ގޮތްތައް ހޯދުމަށް ދިރާސާކުރަން ޖެހޭ ކަމަށެވެ. މި އަހަރުގެ ސިވިލް ސާވިސް ކޮންފަރެންސްގައި ޚިދުމަތްތައް ހަރުދަނާ ކުރުމާއި ޓެކްނޮލޮޖީގެ އެހީގައި ގެނެވޭނެ ބަދަލުތަކާއި މިހާރު ދިމާވާ މައްސަލަތަކާއި ގުޅެގޮތުން މަޝްވަރާ ކުރާނެ ކަމަށް ވިދާޅުވި އެވެ. ރައްޔިތުންގެ ފަރާތުން ލިބޭ ޝަކުވާތަކަށް ހައްލު ހޯދުމަށް މަސައްކަތް ކުރާނެ ކަމަށް ވެސް ވިދާޅުވި އެވެ.