ސިވިލް ސާވަންޓުންނަށް ކޮރަޕްޝަން ނައްތާލުމުގެ ބޮޑު މަސްއޫލިއްޔަތު

އެޑިއުކޭޝަން މިނިސްޓަރު ޑރ. އިސްމާއިލް ޝަފީއު ވިދާޅުވީ ދައުލަތުގެ ނިޒާމުން ކޮރަޕްޝަން ނައްތާލުމުގައި އެންމެ ބޮޑު މަސައްކަތެއް ކުރެވޭނީ ސިވިލް ސާވިސް މުވައްޒަފުންނަށް ކަމަށެވެ. އިދާރީ ކޮރަޕްޝަން ނައްތާލެވިއްޖެ ނަމަ މާލީ ކޮރަޕްޝަނަށް މަގު ނުފަހިވާނެ ކަމަށް އޭނާ ވިދާޅުވި އެވެ. ސަރުކާރު ޑިޖިޓަލައިޒްކުރުމުގެ މަގުސަދު ވެސް ކޮރަޕްޝަން ނައްތާލުން ކަމަށް މިނިސްޓަރު ފާހަގަކުރެއްވި އެވެ.