މިއީ ސަރުކާރު ބަލިކޮށް އެމްޑީޕީ ވެރިކަމަށް ގެނެވޭ ވަގުތު: ޝާހިދު

މޯލްޑިވިއަން ޑިމޮކްރެޓިކް ޕާޓީ (އެމްޑީޕީ) ގެ ސަފުތައް ރުކުރުވާލައި މުހައްމަދު މުއިއްޒުގެ ސަރުކާރު ބަލިކުރަންވީ ވަގުތު ކަމަށް އެ ޕާޓީގެ ރައީސް އަބްދުﷲ ޝާހިދު ވިދާޅުވެއްޖެ އެވެ. ކުރީގެ ރައީސް މުހައްމަދު ނަޝީދަށް ޗެއާޕާސަން އިންތިހާބު ކާމިޔާބުކުރެއްވުމާ ގުޅިގެން މަރުހަބާ ދަންނަވައި ޝާހިދު ވިދާޅުވީ މިއީ ސަރުކާރު ބަލިކޮށް، ރައްޔިތުން ބޭނުންވާފަދަ އެމްޑީޕީގެ ވެރިކަމެއް ހޯދައިދިނުމުގެ މަސައްކަތް ފަށަންވީ ވަގުތު ކަމަށެވެ. އެމްޑީޕީގެ ޗެއާޕާސަން އިންތިހާބަކީ މިފަހުން ސިޔާސީ ޕާޓީއަކުން ބޭއްވި އެންމެ ބޮޑު އެތެރޭގެ ސިޔާސީ ހަރަކާތްކަން ފާހަގަކުރައްވާ ޝާހިދު ވަނީ ޑިމޮކްރަސީގެ ރޫހު ނެރުނު އެންމެހާ މެންބަރުންނަށާއި އަމާންކޮށް އިންތިހާބުގެ ކަންކަން ކުރިއަށް ގެންދިޔަ ޕާޓީގެ ވޮލަންޓިއަރުންނަށް ޝުކުރު އަދާކޮށްފަ އެވެ.