ބޭއިންސާފާ ދެކޮޅަށް ސީދާ ޙަރަކާތަށް ނުކުންނާނަން: ރައީސް ނަޝީދު

އެމްޑީޕީގެ ޗެއަރޕަރސަންކަމުގެ އިންތިޚާބު ކާމިޔާބު ކުރެއްވި ކުރީގެ ރައީސް މުޙައްމަދު ނަޝީދު ވިދާޅުވީ ސަރުކާރުން ހިންގަމުންދާ ބޭއިންސާފާ ދެކޮޅަށް ސިދާ ޙަރަކާތަށް ނުކުންނަވާނެކަމަށެވެ. އިންތިޚާބުގެ ތެރޭގައި ސަރުކާރުގެ އެސްއޯއީތަކުގައި މަސައްކަތްކުރާ އެމްޑީޕީގެ މުވައްޒަފުންނާ މެދު ވަޒީފާގެ ފިޔަވަޅުތައް އަޅަމުންދާ ކަމަށް އެމަނިކުފާނު ފާޑުވިދާޅުވި އެވެ. މިފަދަ ބޭއިންސާފު އަމަލުތަކާ ދެކޮޅަށް އެމްޑީޕީން މަސައްކަތް ކުރާނެ ކަމަށާއި، ސަރުކާރުން ކުރާ ކަންކަން ވަރަށް ގާތުން ބަލަމުންދާނެ ކަމަށް ވިދާޅުވި އެވެ.