ޒުވާނުން މިކާއީލްއަށް ބަލަންވީ: ރައީސް ނަޝީދު

ސިޔާސީ ފުރުސަތަކަށް އެދިވަޑައިގަންނަވާ ޒުވާނުން ގަލޮޅު ދެކުނު ދާއިރާގެ މެމްބަރު މީކާއީލް އަޙުމަދު ނަސީމް ދެއްކެވި ހިތްވަރު މިސާލަކަށް ބަލަންވީ ކަމަށް ކުރީގެ ރައީސް މުޙައްމަދު ނަޝީދު ވިދާޅުވެއްޖެ އެވެ. އެމްޑީޕީގެ ޗެއާޕާސަންގެ އިންތިޚާބު ކާމިޔާބު ކުރެއްވުމަށް ފަހު ވާހަކަ ދައްކަވަމުން ނަޝީދު ވިދާޅުވީ އިންތިޚާބުގެ ނަތީޖާ އަށް ފަހު މީކާއީލް އެމަނިކުފާނަށް ގުޅުއްވާފައިވާ ކަމަށެވެ. މީކާއީލްގެ މަސައްކަތާއި ހިތްވަރުން އަންނަމުން އަންނަ ޒުވާނުންނާއި ސިޔާސީ ފުރުސަތަށް އެދޭ ޒުވާނުންނަށް މިސާލެއް ލިބޭ ކަމަށް ނަޝީދު ފާހަގަ ކުރެއްވި އެވެ. މިހާރު އޮތް ސަރުކާރު ޖަވާބުދާރީ ކުރުވުމާއި ސަރުކާރު ބަދަލު ކުރުމުގެ މަސައްކަތް މިހާރުން ފެށިގެން ކުރިއަށް ގެންދަން ޖެހޭ ކަމަށް ވެސް ނަޝީދު ވިދާޅުވި އެވެ.