ފީއަލީގައި ނުބައި ލިސްޓަކަށް ވޯޓުލާކަމުގެ ޝަކުވާ

އެމްޑީޕީގެ ޗެއާޕާސަން އިންތިހާބުގައި ފ. ފީއަލީގައި ވޯޓުލުން ކުރިއަށްދަނީ ރަސްމީ ލިސްޓަކަށް ނޫން ކަމަށް ބުނެ ޝަކުވާއެއް ހުށަހަޅައިފި އެވެ. ކެންޑިޑޭޓު މީކާއީލް މުހައްމަދު ނަސީމްގެ މަންމަ މަރިޔަމް ޒުބައިރު ވިދާޅުވީ ފީއަލީގައި ގެންގުޅޭ ލިސްޓު އެމްޑީޕީން އާންމުކޮށްފައިވާ ލިސްޓާ ދިމާނުވާ ކަމަށެވެ. އެމްޑީޕީގެ އިލެކްޝަން ބަލަހައްޓާ ކޮމިޓީގެ މެންބަރު އިބްރާހިމް މުއިއްޒު ވިދާޅުވީ އެ ޝަކުވާ ލިބިފައިވާ ކަމަށާއި ހުރިހާ ޝަކުވާއެއް ވެސް ބަލަމުންދާ ކަމަށެވެ.