އަތޮޅު ކައުންސިލް ސެކްރެޓަރީން ވަކިކޮށް، މުވައްޒަފުން އަތޮޅު އޮފީސްތަކަށް ބަދަލުކޮށްފި

ހުރިހާ އަތޮޅު ކައުންސިލްތަކުގެ ސެކްރެޓަރީ ޖެނެރަލުން ވަޒީފާއިން ވަކިކޮށްފިއެވެ. މި މަގާމުތަކަށް މީހުން ނަގަނީ ކައުންސިލްތަކުގެ ދައުރުގެ މުއްދަތަށް ކަމަށް ސިވިލް ސާވިސް ކޮމިޝަނުން ބުނެއެވެ. އަތޮޅު ކައުންސިލްތަކުގައި މަސައްކަތްކުރި އެހެން މުވައްޒަފުން ރައީސް އުފެއްދެވި "އަތޮޅު އޮފީސް" ތަކަށް ބަދަލުކުރުމުގެ މަސައްކަތް ފަށާފައިވާ ކަމަށްވެސް އެ ކޮމިޝަނުން ވަނީ ކަށަވަރުކޮށްދީފައެވެ.