އިމިގްރޭޝަންގެ ކުރީގެ ކޮންޓްރޯލާގެ ތުހުމަތުތަކަށް ހޯމް މިނިސްޓަރު ޖަވާބުދެއްވައިފި

ކުރީގެ އިމިގްރޭޝަން ކޮންޓްރޯލާ މުޙައްމަދު ޝަމްޢާން ސަރުކާރުގެ އިސްވެރިންނަށް ކުރައްވާ ތުހުމަތުތަކަކީ ދޮގު ވާހަކަތަކެއް ކަމަށް ހޯމް މިނިސްޓަރު ޢަލީ އިޙްސާން ވިދާޅުވެއްޖެއެވެ. ޝަމްޢާން ވަނީ ބޯޑަރ ކޮންޓްރޯލް ސިސްޓަމް ވިއްކާލި ކަމަށާއި، ރައީސުލްޖުމްހޫރިއްޔާ އާއި އެޓަރނީ ޖެނެރަލް އޭނާއަށް އިންޒާރު ދިން ކަމަށް ތުހުމަތުކޮށްފައެވެ. މިނިސްޓަރު އިޙްސާން ވިދާޅުވީ ޝަމްޢާން ކުރާ ތުހުމަތުތަކާ ގުޅޭ އެއްވެސް ހެއްކެއް ނެތް ކަމަށާއި، ފުލުހުން ހޯދާފައިވާ ހެކިތަކުން ވެސް އެކަން ސާފުވާ ކަމަށެވެ.