ހިތަދޫ އުތުރު ބައި-އިލެކްޝަން: ނަޝީދުގެ ފާޑުކިޔުން ޕީއެންސީއަށް

ހިތަދޫ އުތުރު ދާއިރާގެ ބައި-އިލެކްޝަން އެމްޑީޕީން ކާމިޔާބުކުރުމުން، އެ ނަތީޖާ ގަބޫލުނުކޮށް ޕީއެންސީން ދައްކާ ވާހަކަތަކަށް ކުރީގެ ރައީސް މުހައްމަދު ނަޝީދު ފާޑުވިދާޅުވެއްޖެއެވެ. ނަޝީދު ވިދާޅުވީ ޕީއެންސީން ބަލި ގަބޫލުނުކޮށް އުޅެނީ "އަނގައިން ބަލިނުވާން" ކަމަށާއި، މި އިންތިހާބުން ރައީސް މުއިއްޒު ރަނގަޅަށް ބަލިވެއްޖެ ކަމަށެވެ. މި އިންތިހާބުގެ ނަތީޖާއާ ގުޅިގެން ޕީއެންސީގެ އިސް ސަފުގައި ތިއްބެވި ބޭފުޅުން، އެ ޕާޓީއަށް ލިބުނީ ކާމިޔާބީއެއް ކަމަށް ދައްކަން މަސައްކަތް ކުރަމުންދާ ކަމަށް ބުނެ ފާޑުކިޔުންތައް ވަނީ އަމާޒުވެފަ އެވެ.