އިޓަލީގެ ރައީސް ފިންލޭންޑުގެ ފީނުންތެރިންނަށް ޝަރަފު އަރުވައިފި

ދިވެހިރާއްޖޭގެ ކަނޑުއަޑީގެ ހޮހަޅައެއްގެ ތެރޭގައި މަރުވި އިޓަލީގެ ހަތަރު ފީނުންތެރިއެއްގެ ހަށިގަނޑު ނެގުމުގައި އެހީތެރިވި ފިންލޭންޑުގެ ތިން ފީނުންތެރިއަކަށް އިޓަލީގެ ރައީސް ސާޖިއޯ މަޓަރެއްލާ "އޯޑަރ އޮފް މެރިޓް އޮފް ދަ އިޓަލިއަން ރިޕަބްލިކް" ގެ ޝަރަފު އަރުވައިފިއެވެ. މި ޝަރަފަކީ ރައީސްގެ އަމިއްލަ އިސްނެންގެވުމުގެ މަތިން އެރުވި އިއްޒަތެކެވެ. މި ހާދިސާގައި މަރުވި މީހުންގެ ހަށިގަނޑުތައް މިހާރު ވަނީ އިޓަލީއަށް ފޮނުވާލާފައެވެ.