ކެލާއަށް ރައީސް މުއިއްޒުގެ އެއްވެސް ވައުދެއް ނުފުއްދަވައި: ޝަރީފް

ކެލާ ދާއިރާގެ ކުރީގެ މެންބަރު އިބްރާހިމް ޝަރީފް ވިދާޅުވީ ރައީސް މުއިއްޒު ރިޔާސީ އިންތިޚާބުގެ ކެންޕޭންގެ ތެރޭގައި ހއ.އަތޮޅަށް ގިނަ ވައުދުތަކެއް ވެވަޑައިގެންނެވި ކަމަށެވެ. ނަމަވެސް ވެރިކަން ލިބުމާއެކު މުޅި މަންޒަރު ބަދަލުވެފައިވާ ކަމަށާއި، ކެލާއަށް ވެވަޑައިގެންނެވި އެއްވެސް ވައުދެއް ނުފުއްދަވާ ކަމަށް އޭނާ ވިދާޅުވި އެވެ. ސްކޫލު އިމާރާތް ކުރުމުގެ މަޝްރޫއު ފިޔަވައި ހުރިހާ ތަރައްގީގެ މަޝްރޫއުތައް ހުއްޓިފައިވާ ކަމަށާއި، ކުރީގެ ސަރުކާރުގެ މަޝްރޫއުތައް ވެސް ހުއްޓިފައިވާ ކަމަށް ޝަރީފް ވިދާޅުވި އެވެ.