ޕާޓީ ބަދަލުވުމުން ގޭގައި މަޑުކުރަން އެލްޖީއޭ އިން އަންގައިފި

ޑިމޮކްރެޓްސްގެ ކެންޑިޑޭޓެއްގެ ގޮތުގައި ވ. ތިނަދޫ ކައުންސިލުގެ ރައީސްގެ މަގާމަށް އިންތިހާބުވި ޝުޖާއު އަލީ އެމްޑީޕީއަށް ބަދަލުވުމުން، އޭނާގެ ގޮނޑިއާ މެދު ގޮތެއް ނިންމަންދެން ގޭގައި މަޑުކުރަން ލޯކަލް ގަވާމަންޓް އޮތޯރިޓީ (އެލްޖީއޭ) އިން ޝުޖާއުއަށް އަންގައިފި އެވެ. އެލްޖީއޭގެ ބޯޑުން ވަކި ގޮތެއް އަންގަންދެން ޝުޖާއު މަގާމުގެ މަސްއޫލިއްޔަތުތަކުން އެކަހެރިކޮށް ކައުންސިލް ހިންގުން ނައިބް ރައީސަށް ހަވާލުކުރުމަށް އަންގާފައިވެ އެވެ. ޝުޖާއު ބުނީ އޭނާ އެމްޑީޕީއާ ގުޅުނީ އެ ޕާޓީ އުވާލާފައިވާ ކަމަށް އިލެކްޝަންސް ކޮމިޝަނުން އެންގުމުން ކަމަށެވެ.