ނާޒިމް ޕީއެންސީގެ ދިއްގަރު ދާއިރާ ރައީސްކަމުން ސަސްޕެންޑުކޮށްފި

ޕީޕަލްސް ނެޝަނަލް ކޮންގްރެސް (ޕީއެންސީ) ގެ ސެނެޓުގައި ދިއްގަރު ދާއިރާ ތަމްސީލުކުރައްވާ އަދި އެ ދާއިރާގެ ރައީސްގެ މަގާމުން މެންބަރު އަހުމަދު ނާޒިމް ސަސްޕެންޑުކޮށްފި އެވެ. ޕީއެންސީގެ އިސް މެންބަރުން މިކަން ވަނީ ކަށަވަރުކޮށްދީފަ އެވެ. ނާޒިމް މަޖިލިސް ނައިބު ރައީސްކަމުން އިސްތިއުފާ ދެއްވީ އޭނާ ވަކިކުރުމަށް ޕީއެންސީން ހުށަހެޅި މައްސަލައިގައި ޖަލްސާ ފެށުމުގެ ކުޑަ ވަގުތުކޮޅެއް ކުރިންނެވެ. ނާޒިމް "ވަކި ސިޔާސީ ފިކުރަކަށް ބުރަވެ" މަސްލަހަތު ނަގާލަން މަސައްކަތް ކުރާ ކަމަށް ތުހުމަތުކޮށްފައިވާއިރު، އޭނާ ވަކިކުރަން ޕީއެންސީން މަޖިލިހަށް ހުށަހެޅި ގަރާރުގައި ވަނީ އެފަދަ ތުހުމަތުތަކެއް ކޮށްފަ އެވެ.