ބައި އިލެކްޝަން ކެންޑިޑޭޓް ބޮއިކޮޓްކޮށްފައިވާ މީހެއް: އަސްލަމް

އައްޑޫ ހިތަދޫ އުތުރު ދާއިރާގެ ބައި އިލެކްޝަންގައި ވާދަކުރައްވާ ޕީއެންސީގެ ކެނޑިޑޭޓް އަހުމަދު ސައީދު (ސޮޑާ) އަކީ އަވަށްޓެރި ދެ ގައުމަކުން ބޮއިކޮޓްކޮށްފައިވާ މީހެއް ކަމަށް ރައްޔިތުންގެ މަޖިލީހުގެ ކުރީގެ ރައީސް މުހައްމަދު އަސްލަމް ވިދާޅުވެއްޖެ އެވެ. އަސްލަމް ވިދާޅުވީ ގައުމަކަށް މީހަކު ނާރުވާނީ ބޮޑު ސަބަބެއް އޮތުމުން ކަމަށެވެ. ނަމަވެސް ސޮޑާ ބޮއިކޮޓް ކުރި ދެ ގައުމަކީ ކޮބައިކަމެއް އަސްލަމް ހާމައެއް ނުކުރައްވަ އެވެ. އަދި އޭނާ ބޮއިކޮޓް ކުރި ސަބަބު އެނގިވަޑައި ނުގަންނަވާ ކަމަށް އަސްލަމް ވަނީ ވިދާޅުވެފަ އެވެ.