މަޖިލީހަށް ދުނިޔޭގެ ކަންކަން ދަންނަ މެންބަރުން ފޮނުވަން ނަޝީދު ގޮވާލައްވައިފި

ކުރީގެ ރައީސް މުހައްމަދު ނަޝީދު ވިދާޅުވީ ރައްޔިތުންގެ މަޖިލީހަށް އިންތިހާބު ކުރަން ޖެހެނީ ދުނިޔޭގެ އާޖުފާޖު ދަންނަ މެންބަރުން ކަމަށެވެ. މާދަމާ އޮންނަ އިންތިހާބުގެ ކުރިން އެމްޑީޕީން ހިތަދޫގައި ބޭއްވި ޖަލްސާގައި ވާހަކަ ދައްކަވަމުން ނަޝީދު ވިދާޅުވީ ރާއްޖެ މިހާރު އޮޔާ ދަމުންދާ ކަމަށާއި ގައުމު އަނދަވަޅަކަށް ވެއްޓެމުންދާ ކަމަށެވެ. މިފަދަ ހާލަތެއްގައި މަޖިލީހަށް ފޮނުވަން ޖެހޭނީ ދުނިޔޭގެ ކަންކަން އެނގޭ އަދި ރާއްޖެއަށް ވަމުންދާ ގޮތް އެނގޭ މީހެއް ކަމަށް ނަޝީދު ވިދާޅުވި އެވެ.