ޖަނާހު އެމެރިކާ ކުންފުންޏަކާ ގުޅިގެން ލަގްޒަރީ ފެރީ ނެޓްވޯކެއް ފަށަނީ

ވިޔަފާރިވެރިޔާ މުހައްމަދު އަލީ ޖަނާހްގެ ޖޭއައިއެޗް ގްލޯބަލް އިންވެސްޓްމަންޓް އާއި އެމެރިކާގެ ނޭވިއާ ގުޅިގެން ރާއްޖޭގައި 100 އުޅަނދުގެ ލަގްޒަރީ ފެރީ ނެޓްވޯކެއް ގާއިމުކުރުމަށް ނިންމައިފި އެވެ. މި މަޝްރޫއުގެ ދަށުން ރާއްޖޭގެ ރަށްތައް ގުޅާލުމަށް ކުރާ މަސައްކަތް ވާނީ ދުނިޔޭގެ ފެންވަރުގެ މިފަދަ ފުރަތަމަ ނިޒާމަށް ކަމަށް ދެ ކުންފުނިން ބުންޏެވެ. މި ޕާޓްނަޝިޕްގެ ދަށުން ރާއްޖޭގައި "ނޭވިއާ ނެޓްވޯކް" ގާއިމުކުރާނެ އެވެ. މިއީ ސޮފްޓްވެއާގެ އެހީގައި ހިންގާ، ތިމާވެއްޓާ ރައްޓެހި ކަނޑުދަތުރުފަތުރުގެ ނިޒާމެކެވެ. މި ނިޒާމުގެ ތެރެއިން އެއާޕޯޓްތަކާއި، ރިސޯޓްތަކާއި، މީހުން ދިރިއުޅޭ ރަށްތައް، ފެންވަރު މަތީ ހައިޑްރޯފޮއިލް އުޅަނދުތަކުން ގުޅާލެވޭނެ އެވެ.