ބަހްރެއިނާއި ކުވައިތަށް ދިން ހަމަލާތައް ރާއްޖެއިން ކުށްވެރިކޮށްފި

ދިވެހި ސަރުކާރުން ވަނީ ބަހްރެއިނާއި ކުވައިތުގެ މަދަނީ ވައިގެ ސަރަހައްދުތަކަށާއި މުހިންމު ތަންތަނަށް އަމާޒުކޮށް ދީފައިވާ ޑްރޯން އަދި މިސައިލް ހަމަލާތައް ހަރުކަށި އިބާރާތުން ކުށްވެރިކޮށްފަ އެވެ. މި ހަމަލާތަކަކީ ބަހްރެއިންގެ ރަސްކަމާއި ކުވައިތުގެ ދައުލަތުގެ އިސްތިގުލާލަށް އަރައިގަތުމުގެ އަމަލެއް ކަމަށާއި، ސަރަހައްދީ ސަލާމަތާއި ހަމަޖެހުމަށް އޮތް ބޮޑު ނުރައްކަލެއްގެ ގޮތުގައި ރާއްޖެއިން ދެކޭ ކަމަށް ފޮރިން މިނިސްޓްރީން ނެރުނު ބަޔާނެއްގައި ބުނެފައިވެ އެވެ. ރާއްޖެއިން ވަނީ އެ ގައުމުތަކުގެ އިސްތިގުލާލާއި ސަލާމަތާއި ސަރަހައްދީ ރައްކާތެރިކަން ދެމެހެއްޓުމަށް އަޅާ ފިޔަވަޅުތަކަށް ފުރިހަމައަށް ތާއީދުކުރާ ކަމަށް ބުނެފަ އެވެ. އަދި ސަރަހައްދުގެ ނުތަނަވަސްކަން ކުޑަކުރުމަށާއި ހަމަޖެހުން ގާއިމް ކުރުމަށް މަޝްވަރާ އާއި ހާރިޖީ މަސައްކަތްތައް ކުރުމަށް ގޮވާލާފައިވެ އެވެ.