އެމްއެންޔޫ ފަހި ފުރުސަތު ރަސްމީކޮށް ފެށުން

ދިވެހިރާއްޖޭގެ ޤައުމީ ޔުނިވަރސިޓީ (އެމް.އެން.ޔޫ) އިން އިންތިޒާމުކޮށްގެން ބާއްވާ "އެމް.އެން.ޔޫ ފަހި ފުރުސަތު" ޔުނިވަރސިޓީގެ މައި މަރުކަޒާއި، އަތޮޅުތަކުގެ ކެމްޕަސްތަކުގައި މިއަދު ރަސްމީކޮށް ހުޅުވައިފިއެވެ. މި މަހުގެ 03 އިން 05 އަށް ކުރިއަށްދާ މި ހަރަކާތަކީ ދަސްވެނިވާ ދަރިވަރުންނާއި، ވަޒީފާގެ ބާޒާރަށް ނުކުންނަން ތައްޔާރުވާ ފަރާތްތަކުގެ އިތުރުން، އާންމު ހުރިހާ ފަރާތްތަކަށް ހުޅުވާލައިގެން ބާއްވާ ބޮޑު މައުރަޒެކެވެ. މި ފެސްޓިވަލްގައި 32 އަށް ވުރެ ގިނަ މުއައްސަސާތަކުން ބައިވެރިވެފައިވާއިރު، ވަޒީފާގެ ފުރުސަތުތަކުގެ މައުލޫމާތު ދިނުމުގެ އިތުރުން ކެރިއަރ ގައިޑެންސް ދިނުންވެސް ކުރިއަށްދާނެއެވެ.