މިދިޔަ މަހު މަސްވެރިކަން ވަރަށް ބޮޑަށް ދަށަށް ގޮސްފި

މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީ ލިމިޓެޑް (މިފްކޯ)އިން ބުނާގޮތުގައި މިދިޔަ މެއި މަހު މަސްވެރިކަން ވަނީ ވަރަށް ބޮޑަށް ދަށަށް ގޮސްފަ އެވެ. މިފްކޯއަށް މެއި މަހު 693 ދޯންޏަކުން 1791 ޓަނުގެ މަސް ކިރާފައިވާއިރު، އޭޕްރީލް މަހު 1068 ދޯންޏަކުން 4,414 ޓަނުގެ މަސް ކިރާފައިވެ އެވެ. މެއި މަހު މަސްވެރިންނަށް ދޫކޮށްފައިވަނީ 31 މިލިއަން ރުފިޔާ އެވެ. މީގެ ކުރިން އޭޕްރީލް މަހު މަސްވެރިންނަށް 78 މިލިއަން ރުފިޔާ ދޫކޮށްފައިވެ އެވެ.