ދެ ރަށެއްގެ ޕޮލިސް ސްޓޭޝަންގެ އައު އިމާރާތް ހުޅުވައިފި

އއ. ފެރިދޫ އާއި ބ. މާޅޮހުގައި އަލަށް އިމާރާތްކުރި ޕޮލިސް ސްޓޭޝަންތައް ރަސްމީކޮށް ހުޅުވައިފިއެވެ. މި ދެ ރަށުގައި ވަކިވަކިން ބޭއްވި ހާއްސަ ރަސްމިއްޔާތުތަކުގައި ސްޓޭޝަންތައް ހުޅުވައިދެއްވީ މިނިސްޓަރ އޮފް ހޯމްލޭންޑް ސެކިއުރިޓީ، ލޭބަރ އެންޑް ޓެކްނޮލޮޖީ ޢަލީ އިހުސާންއާއި، ކޮމިޝަނަރ އޮފް ޕޮލިސް އަޙުމަދު މުޙައްމަދުއެވެ. މި އައު އިމާރާތްތަކަކީ ފުލުހުންގެ ހިދުމަތް އިތުރަށް ހަރުދަނާކޮށް، މުވައްޒަފުންނަށް ފަހި މާހައުލެއް ގާއިމުކޮށްދިނުމަށް ކުރެވޭ މަސައްކަތުގެ މުހިންމު ބައެކެވެ.