ޓްރަމްޕްގެ ނަމުން މަޝްހޫރުވި މީގޮނު ސަލާމަތްކޮށް ޒޫއަށް

ބަންގްލަދޭޝްގައި އަޟްޙާ އީދުގައި ގުރުބާންކުރުމަށް ތައްޔާރުކުރި، އެމެރިކާގެ ރައީސް ޑޮނަލްޑް ޓްރަމްޕްގެ ނަމުން ނަންދެވިފައިވާ މަޝްހޫރު މީގޮނު ކަތިލުން މަނާކޮށް ޒުލަށް ގެންގޮސްފިއެވެ. މި މީގޮނަށް "ޑޮނަލްޑް ޓްރަމްޕް" ގެ ނަން ދީފައިވަނީ އޭގެ ބޯމަތީގައި ހުންނަ ރަންކުލައިގެ އިސްތަށިގަނޑު، ރައީސް ޓްރަމްޕްގެ އިސްތަށިގަނޑާ ވައްތަރުވުމުންނެވެ. މި މީގޮނު ގުރުބާނީއަށް ވިއްކާލާފައި ވަނިކޮށް، ހޯމް މިނިސްޓަރު ސަލާހުއްދީން އަހުމަދު ވަނީ އެ ސަލާމަތްކުރުމަށް އަމުރުކުރައްވާފައެވެ. ސަރުކާރުން މިގޮތަށް ނިންމީ، މި މީގޮނަށް އާންމުންގެ ބޮޑު ސަމާލުކަމެއް ލިބިފައިވުމާއެކު، ސަލާމަތީ ގޮތުން ކުރިމަތިވެދާނެ ނުރައްކަލަކަށް ބަލައިފައެވެ.