މާރުކޭޓުގައި ބިދޭސީން ތިބުން މައްސަލައަކަށްވީ ކީއްވެ؟ މޭޔަރު ސުވާލު އުފައްދަވައިފި

މާލޭގެ މޭޔަރު އާދަމް އާޒިމް ވަނީ ލޯކަލް މާރުކޭޓުގައި ބިދޭސީ މުވައްޒަފުން ތިބުން މައްސަލައަކަށް ވެގެން ނޫޅޭ ކަމަށާއި އެހެންވެ ކެފޭ ރެސްޓޯރަންޓުތަކުގައި ބިދޭސީން މަސައްކަތްކުރުން މައްސަލައަަކަށް ވެގެން ނޫޅޭ ކަމަށް ވިދާޅުވެ ސުވާލު އުފައްދަވައިފަ އެވެ. މާރުކޭޓުގައި މަސައްކަތްކުރަން ބޭނުންވާ ދިވެހި މުވައްޒަފުން ނުލިބޭ މައްސަލަ ބޮޑު ކަމަށާއި އެހެންވެ ވިޔަފާރިއަށް ބުރޫއަރާ ކަމަށް އޭނާ ވިދާޅުވި އެވެ. މާރުކޭޓުގައި ބިދޭސީން މަސައްކަތްކުރާތީ އެތަނަށް ވިޔަފާރި ކުރަންދާ ބައެއް މީހުން ދޭތެރެއަކުން މައްސަލަ ޖައްސަ އެވެ. އެކަމަކު ކެފޭ/ރެސްޓޯރަންޓުތައް ފަދަ ތަންތަނުގައި ވެސް ބިދޭސީން ތިބޭ ކަމަށާއި އެކަން މައްސަލައަކަށް ނުހަދަނީ ކީއްވެތޯ އާޒިމް ސުވާލު އުފެއްދެވި އެވެ.