ބަލިމީހާގެ ހާލަތަށް ބަލައި ބޭރުން ފަރުވާ ހޯދަން އާސަންދަ ލިބޭ ގޮތް ހަމަޖައްސައިފި

ރާއްޖޭގައި ލިބެން ހުންނަ ފަރުވާތައް ވެސް ބަލިމީހާގެ ހާލަތަށް ބަލައި، ރާއްޖެ އިން ބޭރުން އާސަންދަ ލިބޭގޮތް ހަމަޖައްސައިފި އެވެ. އާސަންދަ ސްކީމް ހިންގުމުގެ ގަވައިދަށް ގެނައި އިސްލާހެއްގައި ބުނީ ބަލީގެ ބާވަތާއި މީހާގެ ހާލަތާއި ރާއްޖޭގައި ލިބެން ހުއްޓަސް ފަރުވާ ހޯދުމުގައި ދަތިވުން އަދި ވަށައިގެންވާ އެހެނިހެން ކަންތައްތަކަށް ރިއާޔަތްކޮށް، ރާއްޖެ އިން ބޭރަށް ދިއުމަށް އާސަންދަ ދެވޭނެ ކަމަށެވެ. އެގޮތަށް ފޮނުވޭނީ އާސަންދަ ސްކީމްގައި އެމްޕެނަލް ވެފައިވާ ބޭރުގެ ހޮސްޕިޓަލަކަށެވެ. އަދި އެ ފަރުވާއަކީ އާސަންދައިގައި ރަޖިސްޓްރީ ކޮށްފައި ނުވާ ހިދުމަތަކަށް ވިޔަސް އެ ސްކީމުން އެހީ ދެވޭނެ ކަމަށް ބުންޏެވެ.