ދިރާގަށް ޓެލްކޯ އޮފް ދަ އިޔާ އެވޯޑް ލިބިއްޖެ

މިއަހަރުގެ ޓްވިމްބިޓް ޓެލެކޮމް އެވޯޑްސްގައި ދިރާގުން "ޓެލްކޯ އޮފް ދަ އިޔާ–ސްމޯލް މާކެޓްސް" އެވޯޑް ކާމިޔާބުކޮށްފި އެވެ. މި އެވޯޑަކީ އޭޝިއާ ސަރަހައްދުގެ މުވާސަލާތީ އަދި ޓެކްނޮލޮޖީގެ ކުންފުނިތަކަށް އީޖާދީ ކަންކަމާއި މާލީ ކުރިއެރުމާއި ކަސްޓަމަރުންނަށް ދޭ ހިދުމަތް ފުރިހަމަ ކުރުމުގެ އިތުރުން ޑިޖިޓަލް ކުރިއެރުންތަކުގައި ހޯދާ ކާމިޔާބީތަކުގެ އަގުވަޒަން ކުރަން ދޭ އެވޯޑެކެވެ. ދިރާގުގެ ސީއީއޯ އަދި މެނޭޖިން ޑިރެކްޓަރު އިސްމާއިލް ރަޝީދު ވިދާޅުވީ މި އެވޯޑުން ރަމްޒު ކޮށްދެނީ ދިރާގުން ރާއްޖޭގެ މުވާސަލާތީ ހިދުމަތް ފޯރުކޮށް ދިނުމުގައި ސާބިތުކަމާއެކު ހޯދާ ކުރިއެރުންތަކާއި ކަސްޓަމަރުން އެ ކުންފުންޏަށް ކުރާ އިތުބާރާއި މުވައްޒަފުންގެ މަސައްކަތް ކަމަށެވެ.