ރަޝިޔާގެ ހަމަލާތަކެއްގައި ހަތަރު މީހުން މަރުވެ، ގިނަ ބަޔަކު ޒަޚަމްވެއްޖެ

ރަޝިޔާއިން ރޭގަނޑުގެ ވަގުތެއްގައި ޔުކްރެއިނަށް ދިން ވަރުގަދަ ހަމަލާތަކެއްގައި މަދުވެގެން ހަތަރު މީހުން މަރުވެ، އިތުރު ބަޔަކު ޒަޚަމްވެއްޖެއެވެ. މަރުވި ހަތަރު މީހުންނަކީ ޑްނީޕްރޯ ސިޓީއަށް ނިސްބަތްވާ މީހުންނެވެ. ރަޝިޔާގެ މި ހަމަލާތަކުގައި ޑްނީޕްރޯއިން ފަސް މީހަކު ޒަޚަމްވެފައިވާއިރު، ޚާރްކީވްއިން އަށް މީހަކު އަދި ކީވްއިން ހަތަރު މީހަކު ޒަޚަމްވެފައިވާ ކަމަށް ރިޕޯޓުތައް ބުނެއެވެ. ޔޫކްރެއިންގެ ވެރިރަށް ކީވްގެ މެދުތެރެއަށް އަމާޒުކޮށް ދިން މިސައިލް ހަމަލާތަކާއެކު އެ ސަރަހައްދުން ބޮޑެތި ދުންގަނޑުތައް އަރަމުންދިޔައިރު، އެތައް ހާސް ބަޔަކު ވަނީ ރައްކާތެރިކަން ހޯދުމަށް ބަންކަރުތަކަށް ވަދެފައެވެ.